Busca pola despensa
Dille o que tes e devolve as receitas puntuadas segundo canto xa levas feito, e o que che falta por mercar.
Un recetario que entende como se cociña de verdade
Non é un volcado de textos. O corpus está estruturado para responder ás preguntas que un fai diante da neveira aberta.
Bilingüe de verdade
Todo o contido existe nos dous idiomas: nomes, descricións, pasos, notas e maridaxes. Non hai tradución automática.
Escala as racións
Pide as racións que precisas e recalcúlanse as cantidades. O sal e o aceite non se tocan, e os tempos tampouco.
Lista da compra
Varias receitas nunha soa lista, agrupada por seccións e sumada por ingrediente e unidade.
Alérxenos e filtros
Os catorce alérxenos do Regulamento UE 1169/2011, máis filtros por tempo, dificultade, temporada e etiquetas.
Festas gastronómicas
O calendario galego, ligado ao recetario: da Festa do Polbo do Carballiño chégase á receita.
As 55 receitas que xa están
Mira o recetario enteiro antes de propoñer nada. Busca no idioma que queiras: escribe «pulpo» e sae «Polbo á feira», porque o buscador mira sempre os dous.
Que receita botas en falta?
O recetario saíu dun número limitado de fontes, así que hai pratos de casa que aínda non están. Se coñeces un, dime como se chama. Iso abonda: o resto búscoo eu.
Xa aceptadas, camiño do recetario
Unha flag cambia todo o contido
O idioma resólvese por esta orde: o parámetro ?lang, despois a cabeceira
Accept-Language e, se non hai nada, galego.
GET /receitas/polbo-a-feira
Polbo á feira: Polbo, Sal grosa, Pemento doce…
GET /receitas/polbo-a-feira?lang=es
Pulpo a feira: Pulpo, Sal gruesa, Pimentón dulce…
Os nomes dos campos non se traducen.
Van sempre en galego (
nome, ingredientes,
pasos, recomendacions) porque son o contrato estable da
API. O que cambia é o contido.
Endpoints
Todos os exemplos funcionan contra esta mesma instancia. Preme «Probar» para ver a resposta real.
Hai tamén Swagger en /docs e o esquema OpenAPI en
/openapi.json, xerados a partir do propio código.